|
ئیمائی كوڕی رەحەضه(رضي الله عنه)
ناوى ئیمائی كوڕی رەحەضهی كوڕی خوربەی كوڕی خیلافە، لە غیفاریەكانە.[1] كوڕێكی هەبوو بە ناوى خوفاف كە زۆر زوو موسڵمان بوو.[2]
ئیماء گەورە و پیاوماقووڵی ناو هۆزى غیفار بوو،[3] غیفاریەكان ئەویان وەك وەفدى خۆیان دەنارد بۆ شوێنان.[4]
سەبارەت بە كاتى موسڵمانبوونى ئیماء راجیایی هەیە، بەپێی ئەو فەرموودەى صەحیحی موسلیم بێت كە باسی موسڵمانبوونى غیفاریەكان دەكات دەڵێت ئیماء بەرنوێژی دەكرد بۆیان،[5] بەڵام لە موسنەدەكەى ئەحمەدى كوڕی حەنبەلدا واهاتووە كە خوفافی كوڕی بەرنوێژی كردووە بۆیان و ئەوكاتیش گەورەى ئەو كۆمەڵەی غیفاریەكان خوفاف بوو.[6]
ئیماء پێشتر لە ناوچەی غەیقە نیشتەجێ بووو زوو زوو هاتوچۆی مەدینەى دەكرد.[7]
ئیماء لە جەنگى بەدردا لە سوپاى بێباوەڕاندا بەشدار بوو،[8] بەڵام ماوەیەك پێش صولحى حودەیبیە موسڵمان بوو و ماڵیشی هێنایە مەدینە.[9]
[1] - أسد الغابة، ج1، ص240، الإستيعاب في معرفة الأصحاب، ج1، ص135.
[2] - أسد الغابة، ج1، ص240.
[3] - صحيح مسلم، الرقم 4624، المعجم الأوسط للطبراني، الرقم 3118.
[4] - أسد الغابة، ج1، ص240.
[5] - صحيح مسلم، الرقم 4624، مسند الطيالسي، الرقم 454، المعجم الأوسط للطبراني، الرقم 3118، دلائل النبوة لأبي نعيم الأصبهانى، الرقم 193.
[6] - مسند أحمد بن حنبل، الرقم 20968.
[7] - الإستيعاب في معرفة الأصحاب، ج1، ص135،
[8] - الإستيعاب في معرفة الأصحاب، ج1، ص135، الإصابة في تمييز الصحابة، ج1، ص 169.
[9] - أسد الغابة، ج1، ص240.
|