خالیدی كوڕی وەلیدی ئەنصاری (رضي الله عنه)
ناوى خالیدی كوڕی وەلیدە، لە پشتیوانانە، لە سەردەمى خیلافەتى عەلى كوڕی ئەبوو طالیبدا یەكێك بوو لە بەشداربوانى جەنگى صفین.[1]
خالیدی كوڕی ئەبی خالید(رضي الله عنه)
ناوى خالیدی كوڕی ئەبی خالیدە، لە پشتیوانانە، دواى وەفاتى پێغەمبەر (صلى الله عليه وسلم) ژیا و لە سەردەمى خیلافەتى عەلى كوڕی ئەبوو طالیبدا لە ناو سوپاى عەلیدا لە جەنگى صفیندا بەشدارى كرد.[2]
خالیدی كوڕی ئەبی دوجانە(رضي الله عنه)
ناوى خالیدی كوڕی ئەبی دوجانەیە، لە پشتیوانانە، لە سەردەمى خیلافەتى عەلى كوڕی ئەبوو طالیبدا لە ناو سوپاى عەلیدا لە جەنگى صفیندا بەشدارى كرد.[3]
خالیدی كوڕی ئیساف(رضي الله عنه)
ناوى خالیدی كوڕی ئیسافى جوهەنیە،[4] برایەكى هەبوو بە ناوى كولەیب،[5] برایەكى تریشى ناوى خوبەیب بوو[6] كە هاوەڵێكی ناسراوى پێغەمبەر (صلى الله عليه وسلم) بوو، ئەم هاوەڵە یەكێك بووە لە بەشدار بوانى غەزاى ئوحود، دواتریش بەشدارى غەزاكانى كرد،[7] لە فەتحى مەككەشدا بەشدار بووە، دواى وەفاتى پێغەمبەریش (صلى الله عليه وسلم) ژیاو لە فتووحاتدا بەشدارى كرد، سەبارەت بە كاتى مردنەكەى رایەك دەڵێت: لە جەنگى قادسیەدا كوژراوە، رایەكیش دەڵێت: بەڵكو لە جەنگى جسر ئەبی عوبەیددا كوژراوە.[8]
خالیدی ئەحدەب(رضي الله عنه)
ناوى خالیدە، ناوى لەناو هاوەڵاندا هاتووەو فەرموودەیەكى لە پێغەمبەرى خواوە(صلى الله عليه وسلم) گێڕاوەتەوە.[9]
[1] - الإصابة في تمييز الصحابة، ج2، ص 256.
[2] - الإصابة في تمييز الصحابة، ج2، ص 232.
[3] - الإصابة في تمييز الصحابة، ج2، ص 232.
[4] - الإصابة في تمييز الصحابة، ج2، ص 225.
[5] - أسد الغابة، ج4، ص 524.
[6] - أسد الغابة، ج2، ص 109.
[7] - أسد الغابة، ج2، ص 110.
[8] - الإصابة في تمييز الصحابة، ج2، ص 225.
[9] - الإصابة في تمييز الصحابة، ج2، ص 257.