هاوەڵانێك كە ناویان (راشید) بووە
راشیدى كوڕى حەفص(رضي الله عنه)
ناوى راشیدی كوڕی حەفصە، كونیەكەى ئەبوو ئەثيلهیە،[1]راشید سەرەتا ناوى ظالم بوو، بەڵام كە هاتە خزمەت پێغەمبەرى خوا (صلى الله عليه وسلم)، پێغەمبەر (صلى الله عليه وسلم) ناوى گۆڕی بە راشید.[2]
راشیدى كوڕى شەهاب(رضي الله عنه)
ناوى راشیدی كوڕی شەهابە، سەرەتا ناوى قورصاف بووە، كاتێك هاتە خزمەت پێغەمبەرى خوا (صلى الله عليه وسلم) و موسڵمان بوو، پێغەمبەرى خوا (صلى الله عليه وسلم) ناوى گۆڕی بە راشید.[3]
راشیدى كوڕی عەبد رەببەه (رضي الله عنه)
ناوى راشیدى كوڕی عەبدرەببەهى سولەمیە، شاعیرێكی ناسراو بوو، سەرەتا ناوى غەوى بوو، پێغەمبەر (صلى الله عليه وسلم) ناوى گۆڕی بە راشید.[4]
راشیدى كوڕی موعەللا (رضي الله عنه)
ناوى راشیدى كوڕی موعەللایە، لە پشتیوانانە، برایەكى هەبوو بە ناوى رافیعی كوڕی موعەللا،[5] رافیع یەكێك بوو لە بەشداربوانى غەزاى بەدر و تیایدا شەهید بوو،[6] راشیدیش لە غەزاى بەدردا بەشدار بوو.[7]
[1] - الإصابة في تمييز الصحابة، ج2، ص 433.
[2] - معرفة الصحابة لأبي نعيم الأصبهاني، الرقم 2477.
[3] - الإصابة في تمييز الصحابة، ج2، 434.
[4] - الإصابة في تمييز الصحابة، ج2، ص 434.
[5] - الإصابة في تمييز الصحابة، ج2، ص 435.
[6] - أسد الغابة، ج2، ص 236.
[7] - الإصابة في تمييز الصحابة، ج2، ص 435.
|